ماده‌ى (28):

یه‌كه‌م: لیژنه‌ هه‌میشه‌ییه‌كان له‌ ماوه‌ى (25) رۆژدا له‌ رێكه‌وتی كۆتاییهاتنی یه‌كه‌م دانیشتنی په‌رله‌مان به‌ده‌نگی زۆرینه‌ی ئاماده‌بووانی په‌رله‌مان هه‌ڵده‌بژێردرێن.

چواره‌م: ده‌سته‌ی سه‌رۆكایه‌تی له‌ دابه‌شكردنی ئه‌ندامان به‌سه‌ر لیژنه‌كاندا توانا و پسپۆڕى و خواست و پێویستیی لیژنه‌كان له‌به‌رچاو ده‌گرێت.

ماده‌ى (41):

هه‌ر لیژنه‌یه‌كی هه‌میشه‌یی له‌ چوارچێوه‌ى پسپۆڕییه‌كه‌یدا به‌دواداچوون و لێكۆڵینه‌وه‌ و سه‌ردانی مه‌یدانی ده‌كات له‌سه‌ر ئاستی جێبه‌جێكردنی ئه‌و یاسا گشتییانه‌ی به‌ به‌رژه‌وه‌ندییه‌ بنه‌ڕه‌تییه‌كانی هاونیشتیمانیانی هه‌رێم په‌یوه‌ندیدارن، هه‌روه‌ها چاودێریكردنی گونجانی سیسته‌م و رێنماییه‌كان كه‌ بۆ ئاسان جێبه‌جێكردنی یاساكه‌ ده‌رچووێندراون له‌گه‌ڵ ئامانجى سه‌ره‌كیی یاساكه‌، له‌سه‌ر لیژنه‌ی هه‌میشه‌یی پێویسته‌ راپۆرتێك له‌سه‌ر ئه‌نجامى به‌دواداچوونیان و

پێشنیازه‌كانیان ئاراسته‌ی ده‌سته‌ی سه‌رۆكایه‌تی بكه‌ن و ئه‌وانیش ده‌توانن ئه‌وه‌ى گونجاوه‌ له‌ژێر رۆشنایی راپۆرته‌كه‌ بیگرنه‌ به‌ر.