به‌سه‌رپه‌رشتیی جێگرى سه‌رۆكی په‌رله‌مان بڕیاردەری لیژنەی تەندروستی گۆڕا

08/04/2019 10:39:00 ص
له‌كۆبوونه‌وه‌یه‌كدا به‌سه‌رپه‌رشتیی جێگرى سه‌رۆكی په‌رله‌مان و ئاماده‌بوونی سكرتێری په‌رله‌مان، لیژنه‌ی ته‌ندروستی ژینگەو مافی بەکاربەر له‌ په‌رله‌مانی كوردستان بڕیارده‌رى لیژنه‌كه‌ی گۆڕی.
سەرلەبەیانیی ئەمڕۆ 8ى نیسانی 2019، لیژنەی تەندروستی و ژینگەو مافی بەکاربەر له‌ په‌رله‌مانی كوردستان، بەسەرپەرشتی ھێمن ھەورامی، جێگری سەرۆکی پەرلەمانى كوردستان و ئامادەبوونی مونا نه‌بی قەھوەچی، سکرتێری پەرلەمان و د.سه‌باح مه‌حمود، سه‌رۆكی لیژنه‌كه‌ و جێگرو بڕیارده‌رو ئەندامانی لیژنەكه‌ کۆبووه‌وه‌.
لەکۆبوونەوەکەدا بەکۆی دەنگی ئەندامانی ئامادەبووی لیژنەكه‌، په‌رله‌مانتار ڕۆژان ئیبراھیم عه‌لی، بەبڕیاردەری لیژنەكه‌ ھەلبژێردرا لەشوێنی زانا خالید، کە پێشتر داوای لەسەرۆکایەتیی کردبوو لەم پۆستە نەمێنێت و تەنھا وەک ئەندام لەلیژنەکە درێژە بەکارەکانی بدات. 
بەشێکی تری کۆبوونەوەکە تایبەت بەتاووتوێکردن و وەڵامدانەوەی ئەو نووسراو و داواکارییانەی ئاراستەی لیژنەی ناوبراو کرابوون.

رۆژمێرى رووداوه‌كان

>