لیژنەی كۆمەڵایەتی سەردانی گرتووخانەی چاكسازیی گەورانی كرد

06/05/2019 01:16:00 م
دوای ئەوەی هەفتەی رابردوو لیژنەیەكی لاوەكییان پێكهێنا بۆ به‌دواداچوون و ئاگاداربوون لە رەوشی گرتووخانەكان، سه‌عات 10ی بەیانیی ئەمڕۆ دووشەممە 2019/5/6، شاندێكی لیژنەی كاروباری كۆمەڵایەتی و داكۆكیكردن لەمافی ئافرەت و لە مافی مرۆڤ له‌ په‌رله‌مانى كوردستان، كه‌ پێكهاتبوو له‌ رۆمیۆ هەكاری، سەرۆكی لیژنەو ژمارەیەك لەئەندامان و راوێژكارانی لیژنەكە، سەردانی گرتووخانەی چاكسازیی گەورانی هەولێر-یان كرد.
لەم سەردانەدا شاندى لیژنەكەی پەرلەمانی كوردستان گفتوگۆی لەگەڵ بەڕێوەبەرو بەرپرسی بەشه‌كانی ئەم چاكسازییە كرد بۆئەوەی لەنزیكەوە ئاگاداری دۆخی بەندكراوان ببن و میكانیزمێك بۆ كێشەو گرفتەكانی بەردەم گرتووخانەكە بدۆزرێتەوە.
لیژنەی كاروباری كۆمەڵایەتی و داكۆكیردن لەمافی ئافرەت و لە مافی مرۆڤ بەڕێوەبەرو ستافی گرتووخانەكەی دڵنیاكردەوە لەوەی كە تێبینی و سەرنج و پێشنیازەكانیان بەگرنگ وەردەگرن و لەكاتی هەمواری ئەو یاسایانەی تایبەتن بەم بەڕێوەبەرایەتییانە لەرووی یاساییەوە چارەسەریان بكەن.

رۆژمێرى رووداوه‌كان

>