لیژنەی ئەوقاف بانگهێشتی بەڕێوەبەرایەتیی حەج و عومرە دەکات

13/05/2019 07:27:00 م
بەمەبەستی بەدواداچوون بۆ ڕێکارەکانی فەڕیزەی حەجی ئەمساڵ، سه‌عات۱۰ی بەیانیی ئەمڕۆ دووشه‌مه‌ ۱۳/٥/۲۰۱۹،  لیژنەی ئەوقاف و کاروباری ئاینی له‌ په‌رله‌مانى كوردستان، بەسەرپەرشتیی د.هەورامان گه‌چێنەیی، سەرۆکی لێژنەو ئاماده‌بوونی جێگری سەرۆکی لێژنەو بڕیاردەرو ژمارەیەک لە ئەندامان و راوێژكارانی لیژنەکە، له‌ هۆڵی لیژنه‌ له‌ ته‌لارى په‌رله‌مان، پێشوازییان لە بەڕێوەبەری گشتی و بەڕێوەبەری بەشەکانی حەج و عومرە کرد.
لە کۆبوونەوەیه‌کدا کۆمەڵێک تەوەری تایبەت بەحەج و عومرە تاووتوێ کران، سەرۆک و جێگرو بڕیاردەرو ئەندامانی لیژنەکە پرسیارو پێشنیازەکانیان ئاراستەی شاندی میوان کرد کە تایبەت بوون بەتێچووی حەج و ڕێژەی حاجیانی ئەمساڵ و شوێنی مانەوەیان و خواردن و ئاسانکاریی ئەنجامدانی فه‌ریزەی حەج و لەلایەن شاندی میوان وەڵامدرانەوە، دوابەدوای کۆبوونەوەکەش لیژنە بڕیاریدا بەڕاپۆرتێک سەرۆکایەتیی پەرلەمانی کوردستان لە ناوەڕۆکی کۆبوونەوەکە ئاگادار بکەنەوە.

رۆژمێرى رووداوه‌كان

>