هه‌والى سه‌ره‌كى

شاندێكی پەرلەمانی ئێران سەردانی پەرلەمانی كوردستان دەكات

ئەمڕۆ شەممە 24/9/2016 شاندێكی پەرلەمانی كۆماری ئیسلامیی ئێران، بە سەرۆكایەتی " جەلال حاجی زادە" نوێنەری خەڵكی مهاباد و سەرۆكی فراكسیۆنی" ئەهلی سوننە" لە پەرلەمانی ئێران، سەردانی پەرلەمانی كوردستانی كرد و لەلایەن لیژنەی ئەوقاف و كاروباری ئایینی و ژمارەیەك لە ئەندامانی فراكسیۆنە جیاجیاكانی پەرلەمانی كوردستان پێشوزیی

جێگری سەرۆكی پەرلەمان پێشوازی لە زانای ئاینی ئیسلام " سەید ئەحمەد سەید عەبدولوەهاب بەرزنجی" دەكات

جێگری سەرۆكی پەرلەمان هەڵوێستەكانی مامۆستا سەید ئەحمەد بەرز نرخاند و دووپاتیكردەوە كە هەوڵ و كۆششی ئاشتیخوازانی هاوشێوەی مامۆستا سەید ئەحمەد فاكتەری بەهێزن بۆ چارەسەركردن و تێپەراندنی قەیرانەكان لە هەرێمی كوردستان و پێویستە سوود لە خەڵكی خاوەن ئەزموون و زانا و رۆشنبیری ئەم وڵاتە وەربگیرێت بۆ بونیادنانی كۆمەڵگەیەكی تەندروست

جێگری سەرۆكی پەرلەمان پێشوازی لە بەرپرسی رێكخراوی گەشەپێدانی ئەمریكی و خزمەتگوزاری مرۆیی دەكات

ئەمڕۆ دووشەممە 19/9/2016 دكتۆر جەعفەر ئیبراهیم ئێمینكی جێگری سەرۆكی پەرلەمانی كوردستان، پێشوازی لە شاندێكی رێكخراوی گەشەپێدانی ئەمریكی و خزمەتگوزاری مرۆیی كرد، كە پێكهاتبوو لە بەرێزان "ئازاد سەمین" سەرۆكی رێكخراوەكە و "د.ئیبراهیم حەسەن" نوێنەری رێكخراوەكە لە عیراق

پەیامی پیرۆزبایی جێگری سەرۆكی پەرلەمانی كوردستان بۆ خاتوو " نادیە موراد"

بە بۆنەی دەستنیشانكردنی بەرێزتان وەكو بالیۆزی نیازپاكی لە نەتەوەیەكگرتووەكان، بە ناوی خۆمان و نوێنەرانی خەڵكی كوردستان لە پەرلەمانی كوردستان، جوانترین پیرۆزباییتان ئاراستەدەكەین و هیوای سەركەوتنتان بۆ دەخوازین لەو ئەركە پیرۆز و مرۆییەدا كە بە ئێوەی بەرێز راسپێردراوە و خۆمان بە سەربەرز دەزانین كە ئەمڕۆ كچێكی كوردی ئێزدی بووەتە هێمای بەرگریكردن لە مرۆڤایەتی

جێگری سەرۆكی پەرلەمانی كوردستان جەژنی قوربان لە خەڵكی كوردستان پیرۆزدەكات

هیوادارین ئەم بۆنە پیرۆزە ببێتە مایەی خێرو خۆشی و كامەرانی و ئارامی بۆ هەموو لایەك و بەختەوەری باڵ بەسەر كوردستاندا بكێشێت و قەیرانەكان ببنە بەشێك لە رابردوو و گەلی كوردستان بە سەركەوتنی یەكجاری شادببێتەوە

لیژنەی رۆشنبیريی پەرلەمان پیرۆزبایی لە رۆماننوس بەختیار عەلی دەكات

بەبۆنەی بەدەستهێنانی پلەی یەكەمی رۆمانەكان لەسەرئاستی ئەمریكای لاتینی و ئاسیاو ئەفریقیا، لیژنەی رۆشنبیری و راگەیاندن و هونەر لە پەرلەمانی كوردستان پیرۆزبایی و دەستخۆشی لەنووسەری رۆمانی دواهەمین هەناری دونیا، بەختیار عەلی دەكات

جێگری سەرۆكی پەرلەمان پێشوازی لە ئەندامانی رێكخڕاوی " شەدا " دەكات

ئەمڕۆ سێشەممە 6/9/2016 دكتۆر جەعفەر ئیبراهیم ئێمینكی جێگری سەرۆكی پەرلەمانی كوردستان، پێشوازی لە ئەندامانی رێكخڕاوی " شەدا " ی كرد، كە پێكهاتووە لە زیاتر لە 300 لە ئەندامانی خێزان و كەسوكاری شەهیدانی جەنگی دژی تیرۆریستانی داعش. لە دیدارێكدا، كە لە هۆڵی پەناگیری لە تەلاری پەرلەمان، بەرێوەچوو و ژمارەیەك لە ئەندامانی پەرلەمان ئامادەیبوون

سیمینارێك بۆ پڕۆژه‌ى به‌كۆدكردنى یاسا به‌ركاره‌كان له‌ هه‌رێمى كوردستان به‌ڕێوه‌چوو

به‌ مه‌به‌ستی خستنه‌رووی پڕۆژه‌ یاسای به‌ كۆدكردنی یاسا به‌ركاره‌كان له‌ هه‌رێمی كوردستان، سه‌عات 10ى سه‌رله‌به‌یانیى ئه‌مڕۆ 2016/9/5، سه‌نته‌رى توێژینه‌وه‌ى په‌رله‌مانى كوردستان، به‌هاوبه‌شى له‌گه‌ڵ په‌یمانگاى په‌ره‌پێدانى یاسایى، به‌ ئاماده‌بوونی ژماره‌یه‌ك له‌ ئه‌ندامانی په‌رله‌مان ‌و راوێژكارانی په‌رله‌مان، له‌ هۆڵى په‌ناگیرى له‌ ته‌لارى په‌رله‌مان سیمینارێكیان ئه‌نجامدا.

جێگری سەرۆكی پەرلەمان پێشوازیی لە سەرۆكی كۆمەڵەی دۆستایەتی كوردستان-ئەڵمانیا دەكات

لە دیدارێكدا، سەرۆكی كۆمەڵەی دۆستایەتی كوردستان-ئەڵمانیا پۆختەیەكی دەربارەی كارو چاڵاكییەكانی كۆمەڵەكەیان لە بوارەكانی سیاسی و ئابووری و كولتووری پێشكەشكرد و داوای هەماهەنگی لەگەڵ پەرلەمانی كوردستانی كرد بۆ زیاتر بەرەوپێشبردنی كارەكانیان

جێگری سەرۆكی پەرلەمان پێشوازی لە دامەزرێنەرانی پەیمانگای پەرەپێدانی یاسایی دەكات

لە دیدارێكدا، جێگری سەرۆكی پەرلەمان دەستخۆشی لە ستافەكە كرد بەرامبەر ئەم هەنگاوە گرنگە و هیوای خواست لە ئەركەكانیان سەركەوتووبن. هەر لە دیدارەكەدا باس لە چۆنیەتی بەهێزكردنی هەماهەنگی نێوان ئەم پەیمانگایە وپەرلەمانی كوردستان كرا بۆ تاوتوێكردن ودیراسەتكردنی پرۆژە یاساكان بە هاوكاری لەگەڵ رێكخراوەكانی كۆمەڵگەی مەدەنی لە كوردستان

جێگری سەرۆكی پەرلەمان پێشوازی لە تیمێكی ئەفسەرانی فرۆكەوانی سەربازی كورد دەكات

ئەمڕۆ سێشەممە 30/8/2016 دكتۆر جەعفەر ئیبراهیم ئێمینكی جێگری سەرۆكی پەرلەمانی كوردستان، لە نووسینگەی تایبەتی خۆی لە تەلاری پەرلەمان، پێشوازیی لە تیمێكی ئەفسەرانی فرۆكەوانی سەربازی كورد كرد، كە پێكهاتبوو

هه‌ردوو لیژنه‌ى مافى مرۆڤ و كۆمه‌ڵى مه‌ده‌نى له‌گه‌ڵ (یووئێن دى پى) كۆبوونه‌وه‌

به‌ مه‌به‌ستى تاووتوێكردنى پڕۆژه‌یه‌كی ئاماده‌كراو سه‌باره‌ت به‌ مافى پێكهاته‌كان له‌ چه‌ند پارێزگایه‌كی عیراقدا، ئه‌مڕۆ 2016/8/24 لیژنه‌ى مافه‌كانى مرۆڤ له‌ په‌رله‌مانی كوردستان، به‌ هاوبه‌شى له‌گه‌ڵ لیژنه‌ى كاروباری كۆمه‌ڵى مه‌ده‌نى له‌ په‌رله‌مانی كوردستان، پێشوازییان له‌ وه‌فدێكی رێكخراوى (یووئێن دى پى) كرد.

جێگری سەرۆكی پەرلەمان پێشوازی لە كەسایەتیی ناوداریی ناوچەی شارەزوور " موقەدەم والی هەیاسی" دەكات

لە دیدارێكدا، جێگری سەرۆكی پەرلەمان ستایشی خەبات و رۆڵی قارەمانانەی " موقەدەم والی" كرد لە بەرگریكردن لە خاكی كوردستان و بەردەوامبوون لەكاركردن لە پێناو بەرژەوەندی گشتیی خەڵكی كوردستان و ناوچەی شارەزوور بەتایبەتی

لیژنه‌ى پێشمه‌رگه‌ چه‌ند پرسێكی گرنگی تایبه‌ت تاووتوێ ده‌كات

به‌مه‌به‌ستى تاووتوێكردنى پرسى خانه‌نشینانی سه‌ربازی و بارودۆخی سه‌نگه‌ره‌كانى هێزی پێشمه‌رگه‌ی كوردستان و هاوكارییه‌كانى وڵاتى ئه‌مریكا بۆ هێزه‌كانی پێشمه‌رگه‌، ڕۆژی 2016/8/17، لیژنه‌ى كاروبارى پێشمه‌رگه‌ و شه‌هیدان و قوربانیانى جینۆساید و زیندانیانى سیاسى له‌ په‌رله‌مانی كوردستان، به‌ سه‌رپه‌رشتیى ئارى محه‌مه‌د هه‌رسین سه‌رۆكى لیژنه‌ ‌و ئاماده‌بوونی جێگری سه‌رۆكی لیژنه‌ ‌و بڕیارده‌ر ‌و ژماره‌یه‌ك له‌ ئه‌ندامانی ‌و راوێژكاری لیژنه‌كه‌ كۆبۆوه‌.

به‌ بۆنه‌ی رۆژی جیهانیی لاوانه‌وه‌ دیبه‌یتێكی كراوه‌ له‌ په‌رله‌مان به‌ڕێوه‌چوو

به‌ بۆنه‌ى یادى رۆژى جیهانیى لاوان، سه‌عات 11ى پێشنیوه‌ڕۆى ئه‌مڕۆ 2016/8/15 به‌ سه‌رپه‌رشتیى هه‌رسێ په‌رله‌مانتار فرسه‌ت صۆفى و رابوون مه‌عروف و سالار مه‌حمود و به‌هاوبه‌شى سه‌نته‌رى توێژینه‌وه‌ى په‌رله‌مانى كوردستان له‌ هۆڵى په‌ناگیرى له‌ ته‌لاری په‌رله‌مان دیبه‌یتێكی كراوه‌ به‌ڕێوه‌چوو.

ساڵیادی شه‌هیدی په‌رله‌مانتار "ئازاد قه‌ره‌داغی" له‌ پیشانگایه‌كی فۆتۆگرافیدا له‌ ته‌لاری په‌رله‌مان به‌رز راگیرا

له‌ بیره‌وه‌ریی ساڵیادی شه‌هیدی پێشمه‌رگه‌ ‌و په‌رله‌مانتار "ئازاد قه‌ره‌داغی"، پێشنیوه‌ڕۆی ئه‌مڕۆ 2016/8/14، به‌ ئاماده‌بوونی د.جه‌عفه‌ر ئیبراهیم ئێمینكی جێگری سه‌رۆكی په‌رله‌مانی كوردستان ‌و بنه‌ماڵه‌ ‌و كه‌سوكاری شه‌هید ‌و ژماره‌یه‌ك له‌ ئه‌ندامانی په‌رله‌مان، پیشانگایه‌كی فۆتۆگرافی بۆ وێنه‌كانی شه‌هید"ئازاد قه‌ره‌داغی" له‌ ته‌لاری په‌رله‌مان كرایه‌وه‌، كه‌ له‌لایه‌ن وێنه‌گری په‌رله‌مانی كوردستان "مه‌حمود هه‌ولێری" له‌ ته‌لاری په‌رله‌مان كرایه‌وه‌.

جێگری سەرۆكی پەرلەمانی كوردستان سەرەخۆشی لە ئەندامی پەرلەمان "باپیر كامەلا" دەكات

بە داخ و پەژارەیەكی زۆرەوە هەواڵی كۆچی دوایی باوكی بەرێزتانم پێگەیشت. پرسەو سەرەخۆشی خۆمان ئاراستەی ئێوەو خانەوادە بەرێزەكەتان دەكەین و هاوبەشی غەمتانین. لە خوای گەورە داواكارین خوالێخۆشبوو بخاتە بەر رەحمەتی خۆی و بە بەهەشتی

پەیامی لیژنەی وەرزش و لاوان لە پەرلەمانی كوردستان بەبۆنەی رۆژی جیهانیی لاوان

بەبۆنەی رۆژی جیهانیی لاوان، گەرمترین پیرۆزبایی خۆمان ئاراستەی لاوانی جیهان بەگشتی و كوردستان بەتایبەتی دەكەین. لاو هێز و وزەی راستەقینەی هەموو گەلێكن، وەلاتانی پێشكەوتوو ئەوانەی كە ژێرخانێكی بەهێزیان هەیە ئەوانەن كە توانیویانە وەبەرهێنان لەم وزەیەدا بكەن و بەشێوەیەكی كردارەكی لە هەموو بوارێكی ژیان دا بەكاربهێنن

سێ لیژنه‌ی په‌رله‌مانی له‌ سكاڵای رێكخراوێكی نێوده‌وڵه‌تی ده‌كۆڵنه‌وه‌

سه‌عات 10:30ى پێشنیوه‌ڕۆی ئه‌مڕۆ 2016/8/2 نوێنه‌رانی هه‌رسێ لیژنه‌ی ناوخۆ و پێشمه‌رگه‌ و داكۆكیكردن له‌ مافه‌كانی ئافره‌ت له‌ په‌رله‌مانی كوردستان، پێشوازییان له‌ ده‌سته‌ی به‌رێوه‌به‌رانی رێكخراوی یه‌زدای نێوده‌وڵه‌تی بۆ پارێزگاریكردن له‌مافی ئێزدییه‌كان كرد.

جێگری سەرۆكی پەرلەمانی كوردستان كردەوە تیرۆریستییەكانی شاری قامشلۆ ئیدانەدەكات

لە كاتێكدا ئەم كردەوە دڕند و قیزەوەنە ئیدانە و مەحكووم دەكەین، هاوخەمی خۆمان بۆ كەسوكاری شەهیدان و سەرجەم خۆشك و برایەكانمان لە قامشلۆ دەردەبڕین و هیوای شیفای بەپەلە بۆ بریندارەكان دەخوازین و هەر هەوڵێك بۆ بەهاناچوون و یارمەتیدانی لێقەوماوان بە كار و ئەركێكی مرۆیی و نەتەوەیی ونیشتیمانپەروەری دەزانین

لە سەردانێكدا بۆ كونسۆڵخانەی توركیا لە هەولێر
جێگری سەرۆكی پەرلەمان: سەقامگیری لە توركیا سەقامگیرییە بۆ هەرێمی كوردستان

دكتۆر جەعفەر ئیبراهیم ئێمینكی جێگری سەرۆكی پەرلەمان، لە میانەی سەردانێكدا بۆ كۆنسوڵخانەی توركیا لە هەولێر راگەیاند : فەشەلپێهێنانی كودەتا لە توركیا لەلایەن ئیرادەی میللەتەوە بۆ پاراستی دیمۆكراسی، دەرفەتێكە بۆ كاراكردنەوەی پرۆسەی چارەسەركردنی كێشەی كورد لەو وڵاتە و سەقامگیربوونی ئاشتی

جێگری سەرۆكی پەرلەمان سەرپەرشتیی كۆبوونەوەیەكی لیژنەی كشتوكاڵ دەكات

جێگری سەرۆكی پەرلەمان دەستخۆشی لە ئەندامانی لیژنەكە كرد بەرامبەر بەردەوامبوونیان بە شێوەیەكی ئەكتیڤ لە سەر كار و چاڵاكییەكانیان بە تایبەتیش لە بواری بەدواداچوونی بابەتی وەرگرتنی گەنم لە جووتیاران و هیوای خواست هەمیشە لە ئەركەكانیان سەركەوتووبن

جێگری سەرۆكی پەرلەمان پێشوازی لە شاندێكی "ئینستتیۆتی كۆماریی نێودەوڵەتی"ی ئەمریكی دەكات

ئەمڕۆ سێشەممە 26/7/2016 دكتۆر جەعفەر ئیبراهیم ئێمینكی جێگری سەرۆكی پەرلەمانی كوردستان، لە نووسینگەی تایبەتی خۆی لە پەرلەمان، پێشوازی لە شاندێكی "ئینستتیۆتی كۆماریی نێودەوڵەتی (IRI)"ی ئەمریكی كرد، كە پێكهاتبوو لە "ئاندی یاتس" ی پسپۆر لە بواری كارەكانی حكوومەت و پەرلەمان و "دینا سادق" ی پسپۆر لە بواری مێدیا و "سەیف ئیبراهیم" رێكخەری بەرنامەكە

لیژنه‌ی كشتوكاڵ دوو راگه‌یه‌ندراوی بڵاو كرده‌وه‌

به‌ مه‌به‌ستی تاووتوێكلادنی پرسی كۆتاییهاتنی پرۆسه‌ی وه‌رگرتنی گه‌نمی جووتیاران ‌و به‌ بازاڕكردنی به‌رهه‌می ناوخۆی هه‌رێمی كوردستان، نیوه‌ڕۆی ئه‌مڕۆ 26/7/2016 ، لیژنه‌ی كشتوكاڵ وئاژه‌ڵداری ‌و ئاودێری ‌و به‌نداوه‌كان له‌ په‌رله‌مانی كوردستان، به‌ سه‌رپه‌رشتیی غه‌ریب مسته‌فا جێگری سه‌رۆكی لیژنه‌ و بڕیارده‌ر ‌و ژماره‌یه‌ك له‌ ئه‌ندامانی ‌و راوێژكاری لیژنه‌كه‌، له‌ هۆلی لیژنه‌ له‌ ته‌لاری په‌رله‌مان كۆبۆوه‌.

جێگری سەرۆكی پەرلەمانی پێشوازی لە شاندێكی دەزگای"هاوبەشەنێودەوڵەتییەكان"ی بەریتانی دەكات

لە دیدارێكدا، كە ژمارەیەك لە راوێژكارانی پەرلەمان لە بوارەكانی یاسا و پەیوەندییەكان ئامادەیبوون، جێگری سەرۆكی پەرلەمان خۆشحاڵی خۆی بەو سەردانە دەربڕی و وتی" ئێمە شانازی بەو دۆستانە دەكەین كە گرنگییەكی تایبەت بە هەرێمی كوردستان دەدەن و ئاواتەخوازین پەیوەندییەكانمان لە خزمەتی مرۆڤایەتی و دۆزە هاوبەشەكانماندابن".

راپۆرتی یونامی : یاسای بەرەنگاربوونەوەی تیرۆر لە هەرێمی كوردستان یەكێكە لە یاسا هاوچەرخەكان

لە كۆبوونەوەی ئەمڕۆی پەرلەمانی كوردستان لەگەڵ شاندێكی یونامی، راپۆرتی نووسینگەی مافەكانی مرۆڤ سەر بە نەتەوەیەكگرتووەكان لە هەولێر سەبارەت بە خوێندنەوەی یاسای بەرەنگاربوونەوەی تیرۆر لە هەرێمی كوردستان بەرز نرخێنڕا. ئەو راپۆرتەی، كە ئەم یاسایە بە یەكێك لە یاسا هاوچەرخەكان و پابەند بە پێوەرە نێودەوڵەتییەكان دادەنرێت، لە كوی 18 ماددەكەی یاساكە تەنها قسە لەسەر چوار ماددە دەكات

لە كۆبوونەوەیەكدا لەگەڵ شاندێكی "یونامی" كە لە پەرلەمانی كوردستان بەرێوەچوو
جێگری سەرۆكی پەرلەمان: لە كوردستاندا تێروانینێكی هاوبەشمان هەیە لە بەرەنگاربوونەوەی تیرۆر و پاراستنی مافەكانی مرۆڤ

دكتۆر جەعفەر ئیبراهیم ئێمینكی جێگری سەرۆكی پەرلەمانی كوردستان رایگەیاند: لە هەرێمی كوردستاندا ئیرادەیەكی سیاسی بەهێز و تێروانینێكی هاوبەش لە ئارادایە سەبارەت بە یاسای بەرەنگاربوونەوەی تیرۆر و بایەخێكی زۆریش بە پرسی پاراستنی مافەكانی مرۆڤ دەدرێت و كارەكانی لیژنە پەیوەندیدارەكانی پەرلەمان لەم بارەیەوە بەردەوامن

ڕاگەیەندراوێك لە پەرلەمانی كوردستانەوە دەربارەی "یاسای بەرەنگاربوونەوەی تیرۆر لە هەرێمی كوردستان"

ئەمڕۆ كە دوا رۆژی كارایی ئەم یاسایەیە، بۆ ئەوەی هەرێمی كوردستان نەكەوێتە بۆشایی یاسایی لەم بوارەدا، دادگاكان و دام و دەزگا ئەمنیەكان دەستە وەستان نەبن بەرامبەر بە مامەڵەكردن لەگەڵ پرسی تیرۆر، داوا لە سەرجەم دەسەڵاتەكان دەكەین بەیەكەوە هەماهەنگ و هاوكاربن بۆ چارەسەركردنی ئەم پرسە یاساییە

جێگری سەرۆكی پەرلەمانی كوردستان: سەرنەكەوتنی كودەتای سەربازی لە توركیا ئەو راستییەی سەلماند كە هەمیشە ئیڕادەی گەل بڕیاردەرە

ئێمە لە پەرلەمانی كوردستان ئەم سەركەوتنە بە سەركەوتنی رێرەوی دیموكراسی و پاراستنی شەرعییەت و ئاشتی و ئارامی لە ناوچەكەدا دەزانین و شكستهێنان بەو كودەتایە ئەو راستییەیە دووپاتدەكاتەوە كە تەنها ئیڕادەی گەل بڕیاردەرە. گەلی كوردستان وەك گەلێكی دیموكراتخواز بە خۆشحاڵییەوە دەڕوانێتە سەركەوتنی دەنگی ئازاد و پێكەوەژیانی ئاشتیانە

جێگری سەرۆكی پەرلەمانی كوردستان هێرشە تیرۆریستییەكەی "نیس" ئیدانەدەكات

بەناوی پەرلەمانی كوردستان، زۆر بەتوندی ئیدانەی ئەم كردەوە قیزەونە دەكەین و سەرەخۆشی لە كەسوكاری قوربانیانی ئەو رووداوە دەكەین و هاوزۆزی و هاوخەمی خۆمان بۆ گەل و حكوومەتی فەرەنسای دۆست دەردەبڕین ، لەهەمان كاتدا پشتیوانی گەلی كوردستان

ڕوونكردنەوەیەك لە نووسینگەی جێگری سەرۆكی پەرلەمانی كوردستانەوە سەبارەت بە ڕاوێژكردن بە ئەنجومەنی شووڕای هەرێمی كوردستان

ئەوەی راستییە، نووسراوێك ئاراستەی ئەنجومەنی شووڕا كراوە سەبارەت بە یاسای تیرۆر و یاسای بەكرێدانی خانووبەرە، تا ڕای خۆی بدات لە چوارچێوەی تایبەتمەندی خۆی، كە چ رێگاوشوێنێك بگیرێتەبەر بۆ ئەوەی بۆشایی یاسایی درۆست نەبێت، نەك بڕیاری درێژكردنەوەی یاسایەك دەريبكات؛ چونكە ئەنجومەنی راوێژكاری دەزگایەكی ئیداری دادوەری راوێژكارییە

پەیامی جێگری سەرۆكی پەرلەمانی كوردستان بەبۆنەی جەژنی رەمەزانی پیرۆز

بەبۆنەی هاتنی چەژنی رەمەزانی پیرۆزەوە، جوانترین پیرۆزبایی ئاراستەی موسڵمانانی كوردستان و جیهان بەگشتی دەكەین و گەرمترین پیرۆزبایی تایبەت ئاراستەی خانەوادە سەربەرزی شەهیدانی كوردستان و پێشمەرگە قارەمانەكان لە سەنگەرەكانی جەنگ دەكەین. لە خوای گەوەرە داواكارین ڕۆژوو و عیبادەتی هەموولایەكمان قەبووڵكردبێت و پشت و پەنای

ڕوونكرنەوەیەك لە نووسینگەی ڕاگەیاندنی جێگری سەرۆكی پەرلەمانی كوردستان

هەر لە دەستپێكی وەرگرتنی دكتۆر جەعفەر ئیبراهیم ئێمینكی ئەندامی مەكتەبی سیاسی پارتی دیموكراتی كوردستان، ئەركی جێگری سەرۆكی پەرلەمانی كوردستان، كە لەهەمان كاتدا وتەبێژی فەرمی پارتی بووە و لە سۆنگەی پرنسیپی نەگونجانی دوو پۆست لەیەك كاتدا

جێگری سەرۆكی پەرلەمانی كوردستان پێشوازی لە تیمێكی تۆڕی خەڵك دەكات

ئەمڕۆ سێشەممە 28/6/2016، دكتۆر جەعفەر ئیبراهیم ئێمینكی جێگری سەرۆكی پەرلەمانی كوردستان پێشوازی لە تیمێكی "تۆڕی خەڵك" بۆ ماف و ئازادییەكان كرد، كە بریتییە لە كۆمەڵێك رێكخراو و چاڵاكوانی مەدەنی لە هەرێمی كوردستان . لە دیدارێكدا، كە سەرۆكی لیژنەی كۆمەڵی مەدەنی لە پەرلەمان و ژمارەیەك لە پەرلەمانتاران ئامادەیبوون

جێگری سەرۆكی پەرلەمانی كوردستان پێشوازیی لە شاندێكی سیناتی وڵاتی ئیتالیا دەكات

"پیێر كازینی" مەبەستی سەردانەكەیان خستەڕوو و وتی" ئێمە هاتووین بۆ ئەوەی لە نزیكەوە رێز و سوپاسی خۆمان ئاراستەتان بكەین بەرانبەر هەڵوێست و ئازایەتی ئێوە لە شەری دژی داعشدا كە بەرگری لە هەموو جیهانی ئازاد دەكەن"، و جەختیشی لەسەر هەمان هەڵوێستی وڵاتەكەی كرد بۆ یارمەتیدان و پشتیوانیكردنی كوردستان لە هەموو روویەكەوە

جێگری سه‌رۆكی په‌رله‌مان پێشوازیی له‌ سه‌رۆك و جێگری سه‌رۆكی رێكخڕاوی دیالۆگی رۆژهه‌لاتی ناوه‌ڕاست ده‌كات

ئه‌مڕۆ یه‌كشه‌ممه‌ 26/6/2016 دكتۆر جه‌عفه‌ر ئیبراهیم ئێمینكی جێگری سه‌رۆكی په‌رله‌مانی كوردستان پێشوازیی له‌ "به‌كر ئێرداغ " سه‌رۆكی رێكخڕاوی دیالۆگی رۆژهه‌لاتی ناوه‌ڕاست و " ئه‌رده‌لان عه‌بدولواحید" جێگری سه‌رۆكی رێكخراوه‌كه‌ كرد. له‌ دیدارێكدا جێگری سه‌رۆكی په‌رله‌مان ده‌ستخۆشی له‌ سه‌رۆك و كارمه‌ندانی رێكخراوه‌كه‌

جێگری سەرۆكی پەرلەمانی كوردستان ئیدانەی هێرشەكەی سەر بارەگای كەناڵی رووداو دەكات

بەناوی خۆمان و پەرلەمانی كوردستانەوە بەتوندی ئیدانەی ئەو هێرشە دەكەین كە شەوی رابردوو بە نارنجۆكێك كرایە سەر ئۆفیسی سەرەكی كەناڵی تەلەفزیۆنی " رووداو" لە شاری هەولێر و لە ئاكامدا سێ‌ پاسەوان و شۆفێرێك و كارمەندێكی پەیوەندییەكانی رووداو برینداربوون

لیژنه‌ی بازرگانى و پاراستنى مافه‌كانى به‌كاربه‌ر به‌دواداچوون بۆ سكاڵای دانیشتووانی كۆمه‌ڵگاكانی نیشته‌جێبوون ده‌كات

سه‌رله‌به‌یانیی رۆژی 2016/6/22، لیژنه‌ی بازرگانى و پاراستنى مافه‌كانى به‌كاربه‌ر له‌ په‌رله‌مانی كوردستان، به‌ سه‌رپه‌رشتیی ماجد عوسمان بازرگان سه‌رۆكى لیژنه‌ ‌و ئاماده‌بوونى ژماره‌یه‌ك له‌ ئه‌ندامانی لیژنه‌كه‌ كۆبۆوه‌.

له‌ ژێر چاودێریی جێگری سه‌رۆكی په‌رله‌مان
پیشانگای فۆتۆگرافیی صابر دری له‌ ته‌لاری په‌رله‌مان كرایه‌وه‌

به‌ بۆنه‌ی هه‌ڵمه‌تی پاككردنه‌وه‌ی ژینگه‌ی كوردستان ‌و وه‌ك سه‌ره‌تایه‌ك بۆ كردنه‌وه‌ی گه‌وره‌ترین پیشانگای سروشت ‌و ژیانی كێوی له‌ هه‌رێمی كوردستان ‌و جیهان له‌ شاره‌كانی هه‌رێمی كوردستاندا، له‌ ژێر چاودێریی د.جه‌عفه‌ر ئیبراهیم ئێمینكی جێگری سه‌رۆكی په‌رله‌مانی كوردستان ‌و ده‌سته‌ی چاككردن ‌و پاراستنی ژینگه‌ له‌ هه‌رێمی كوردستان، پێشنیوه‌ڕۆی ئه‌مڕۆ 2016/6/15 سه‌فین دزه‌یی وته‌بێژی حكومه‌تی هه‌رێمی كوردستان، به‌ ئاماده‌بوونی وه‌زیری هه‌رێم بۆ كاروباری ژینگه‌ ‌و ژماره‌یه‌ك له‌ ئه‌ندامانی په‌رله‌مانی كوردستان ‌و سه‌رۆكی كۆمه‌ڵه‌ی وێنه‌گرانی كوردستان، له‌ ته‌لاری په‌رله‌مان پیشانگای فۆتۆگرافیی صابر دری فۆتۆگرافه‌ری كوردی جیهانی كرده‌وه‌ كه‌ زیاتر له‌ 60 تابلۆی له‌ خۆ گرتبوو كه‌ سه‌رجه‌میان گوزارشتیان له‌ سروشت ‌و ژیانی كێوی له‌ كوردستان ‌و جیهاندا ده‌كرد.

ڕوونكردنەوەیەك لە نووسینگەی جێگری سەرۆكی پەرلەمانی كوردستانەوە

سەبارەت بە پرسی بەدواداچوونی كارەكانی حكوومەت، جێگری سەرۆكی پەرلەمان پشتگیری و پشتیوانی خۆی بۆ هەموو لیژنە و پەرلەمانتارێكی بەرێز بۆ كار و ئەركی چاودێریكردن دووپاتدەكاتەوە، كە یەكێكە لە سەرەكەترین ئەركە پەرلەمانییەكان كە لیژنە یان پەرلەمانتار لەپێناو بەرژەوەندی گشتی و بە هەماهەنگی و هاوكاری لەگەڵ لایەنە پەیوەندیدارەكان كاری چاودێریكردن ئەنجامیدەدات. لەم ڕووەشەوە

لیژنه‌ی كشتوكاڵ چاودێریی پرۆسه‌ی دروونه‌وه‌ و چۆنیه‌تیی راده‌ستكردنی دانه‌وێڵه‌ و پشكنینی ده‌كات

دوای ئه‌وه‌ى رۆژی 2016/5/30 لیژنه‌ی كشتوكاڵ ‌و ئاژه‌ڵداری ‌و ئاودێری ‌و به‌نداوه‌كان له‌ په‌رله‌مانی كوردستان له‌ كۆبوونه‌وه‌یه‌كیدا بڕیاریدا ئه‌ندامانی لیژنه‌كه‌ به‌سه‌ر ناوچه‌كانی هه‌رێمی كوردستاندا دابه‌ش بكات به‌ مه‌به‌ستی چاودێریكردنی پرۆسه‌ی دروونه‌وه‌ و راده‌ستكردنی دانه‌وێڵه‌ و چۆنه‌یتیی پشكنین و تاقیكردنه‌وه‌ی و به‌دواداچوون بۆ كێشه‌ی جووتیاران.

جێگری سەرۆكی پەرلەمانی كوردستان هاتنەوەی مانگی رەمەزان لە موسڵمانان پیرۆزدەكات

بەبۆنەی هاتنەوەی مانگی خێر و رەحمەت، مانگی رەمەزانی پیرۆزەوە، گەرمترین پیرۆزبایی ئاراستەی موسڵمانانی كوردستان و جیهان بەگشتی دەكەین و لە خوای گەورە دەپارێینەوە ئەم مانگە پیرۆزە ببێتە مایەی خۆشی و ئاشتی و ئارامی و تەبایی بۆ گەلی كوردستان و كۆتاییهێنان

جێگری سەرۆكی پەرلەمانی كوردستان یادی یەكەم دانیشتنی پەرلەمان لە گەلی كوردستان پیرۆزدەكات

ئەزموونی پەرلەمانی لە هەرێمی كوردستان، لە سۆنگەی بڕوابوونی پەرلەمانتاران بە دۆزی رەوای گەلەگەمان و بنەماكانی دیموكراسی و یەكترقەبووڵكردن، سەركەوتنێكی بەرچاوی تۆماركرد و هەر ئەم ئەزموونەش بوو بە یەكێك لە فاكتەرە بەهێزەكان بۆ واڵابوونی دەرگاكانی جیهانی ئازاد بەردەم گەلی كوردستان

برۆسكەی سەرەخۆشی جێگری سەرۆكی پەرلەمانی كوردستان بەبۆنەی كۆچی دوایی زانای ناوداری كورد "مستەفا زەڵمی"

بەداخ و پەژارەیەكی زۆرەوە هەواڵی كۆچی دوایی زانای ناوداری كوردستان و جیهانی ئیسلامی پرۆفیسور دكتۆر "مستەفا زەڵمی" مان پێگەیشت، خوالێخۆشبوو داهێنەرێكی ناودار و كەسایەتییەكی گەورەی كوردستان و خاوەن پێگەیەكی زانستیی باوەرپێكراو بوو لەسەر ئاستی هەموو جیهانی ئیسلامی كە دەیان بەرهەمی هزری

شاندێكی پەرلەمانی كوردستان سەردانی پەرلەمانی وڵاتی میسر دەكات

ئەمڕۆ شەممە 4/6/2016 شاندێكی پەرلەمان كوردستان بەیاوەری شاندێكی دەستەی سەربخۆی مافی مرۆڤ لە هەرێمی كوردستان، سەردانی پەرلەمانی وڵاتی میسریان كرد و كۆبوونەوەیەكیان لەگەڵ لیژنەی كاروباری پەیوەندییەكانی دەرەوەی پەرلەمان میسر ئەنجامدا

شاندێكی پەرلەمانی كوردستان لە قاهیرە بەشداری لە وۆركشۆپێك دەربارەی دەستوور دەكات

ئەمڕۆ هەینی 3/6/2016 شاندێكی پەرلەمانی كوردستان، كە پێكهاتبوو لە پەرلەمانتار ڤەمان فەیسەل ئەندامی لیژنەی یاسایی لە پەرلەمان و راوێژكاران كامەران نەشئەت و د.خامۆش عومەر ئەندامانی لیژنەی ئامادەكردنی دەستووری هەرێمی كوردستان، بەشداری لە وۆركشۆپێك كرد كە لە قاهیرەی پایتەختی وڵاتی میسر بەرێوەچوو بۆ تاوتوێكردنی هەنگاوەكانی دارشتن

لیژنه‌ی په‌روه‌رده‌ وخوێندنی باڵا له‌گه‌ڵ به‌رپرسی سه‌رۆكایه‌تیی ره‌وه‌ندی توركی ‌و خزمان له‌ ده‌ره‌وه‌ی توركیا بۆ كاروباری خوێندنی باڵا كۆبۆوه‌

له‌ درێژه‌ی سه‌ردانه‌كه‌یدا بۆ وڵاتی توركیا، دوای نیوه‌ڕۆی ڕۆژی 2016/6/2 شاندی لیژنه‌ی په‌روه‌رده‌ و خوێندنی باڵا و توێژینه‌وه‌ی زانستی له‌ په‌رله‌مانی كوردستان، سه‌ردانی سه‌رۆكایه‌تیی ڕه‌وه‌ندی توركی و خزمان له‌ ده‌ره‌وه‌ی توركیا بۆ كاروباری خوێندنی باڵای كرد ‌و له‌لایه‌ن دكتۆر قدره‌ بلبل به‌رپرسی سه‌رۆكایه‌تیی ڕه‌وه‌ندنی توركی و خزمان له‌ده‌ره‌وه‌ی توركیا بۆ كاروباری خوێندنی باڵا پێشوازیی لێكرا.

لیژنه‌ی په‌روه‌رده‌ وخوێندنی باڵا و توێژینه‌وه‌ی زانستی سه‌ردانی وه‌زاره‌تی په‌روه‌رده‌ و ده‌سته‌ی باڵای زانكۆكانی توركیا ده‌كات

له‌سه‌ر بانگهێشتی فه‌رمیی وه‌زاره‌تی په‌روه‌رده‌ی توركیا و ده‌سته‌ی سه‌رۆكایه‌تیی زانكۆكانی توركیا، شاندێكی لیژنه‌ی په‌روه‌رده‌ و خوێندنی باڵا و توێژینه‌وه‌ی زانستی له‌ په‌رله‌مانی كوردستان به‌ سه‌رۆكایه‌تیی د.رێواز فایه‌ق سه‌رۆكی شاند و ئه‌ندامییه‌تیی هه‌ریه‌ك له‌ ئایدن مه‌عروف و وحیده‌ یاقۆ و سهام عومه‌ر ئه‌ندامانی لیژنه‌كه‌ و راویژكار و شاره‌زایی لیژنه‌كه‌، سه‌ردانی وڵاتی توركیای كرد.

جێگری سەرۆكی پەرلەمانی كوردستان پێشوازی لە سەرۆكی رێكخراوی كوردی ئەمریكی بۆ پەرەپێدانی پەروەردە دەكات

ئەمڕۆ سێشەممە 31/5/2016 دكتۆر جەعفەر ئیبراهیم ئێمینكی جێگری سەرۆكی پەرلەمانی كوردستان پێشوازی لە "نۆرمان لیۆنارد" سەرۆكی رێكخراوی كوردی ئەمریكی بۆ پەرەپێدانی پەروەردە و "حسێن حاجی ئەحمەد ماروونسی" بەرپرسی ئۆفیسی رێكخراوەكە لە هەرێمی كوردستان كرد

جێگرى سه‌رۆكی په‌رله‌مان به‌شداری له‌ كۆنفڕانسی "جینۆساید له‌ روانگه‌یه‌كی جیهانی و یاساییه‌وه‌" ده‌كات

ئه‌مڕۆ سێشه‌مه‌ 2016/5/31 د.جه‌عفه‌ر ئیبراهیم ئێمینكی جێگری سه‌رۆكی په‌رله‌مانی كوردستان، به‌شداریی كرد له‌ كۆنفڕانسی "جینۆساید له‌ روانگه‌یه‌كی جیهانی و یاساییه‌وه‌"، كه‌ زانكۆی ئه‌ربیل رێكیخستبوو.

12345678910...

رۆژمێرى رووداوه‌كان

په‌خشى راسته‌خۆ